фото: Днепропетровск облысының картасы
Украинаның Кривой Рог қаласына зымыран түсіп, көп қабатты үйдің төменгі бес қабаты қирады. Бұл жөнінде қала әкімшілігі хабарлаған.
ВВС-дің жазуынша, «бірінші қабаттан бесінші қабатқа дейінгі пәтерлер» қираған болуы мүмкін.
Днепропетровск облыстық әскери басқармасының басшысы Сергей Лысактің айтуынша, қазіргі таңда зардап шеккен төрт адам құтқарылып, бір адам емханаға жатқызылған. 11 жастағы баланың жағдайы орташа ауыр. 10 жасар қыз сол жерде медициналық көмекке жүгінген.
Украина билігі Кривой Рогқа соққы жасалғаны туралы хабарлаған. Ресей жағы ешқандай түсініктеме айтқан жоқ.
