Қарағанды облысында браконьерлерден 13 ақбөкен өлексесі мен 328 мүйіз тәркіленді, деп хабарлайды Malim.kz.
Қарағанды облысы полиция департаментінің ұйымдасқан қылмысқа қарсы күрес басқармасының қызметкерлері облыстық ҰҚК департаментімен бірлесіп, облыстық прокуратураның үйлестіруімен бір топ браконьерлерді қолға түсірді.
Қылмыстық топ Шет ауданының тұрғындарынан құралып, құрып кету қауіпі бар ақбөкендерді атумен айналысқан. Жедел-тергеу шаралары барысында 22 тінту жұмыстары жүргізіліп, полицияға 11 адам жеткізілді. Жалпы саны 328 мүйіз, 13 ақбөкен өлексесі және 200 келіден астам бұзылған ет, атыс қаруы мен оқ-дәрілер тәркіленді, деді Қарағанды облысы полиция департаментінің бастығы Негмет Исмагулов.
Қазір аталған жайттарға қатысты қылмыстық іс қозғалған. Тергеу әрекеттері жүргізіліп жатыр. Мемлекетке келтірілген шығынды анықтау мақсатында тиісті сараптамалар тағайындалған.
Фото: polisia.kz
