Астанада бір күнде үш бірдей есірткі таратушы ұсталды
Олар есірткі заттарын ағаш түбіне жасырып жатып ұсталған
Астанада Ұлттық ұланының жауынгерлері қызмет барысында есірткі жасырушыларды қолға түсірді, деп хабарлайды Malim.kz.
Polisia.kz жазуынша, алғашқы дерек 18 қазанда сағат 19:50 шамасында анықталған. Есіл ауданында қоғамдық тәртіпті қадағалау кезінде әскери жасақ ағаштың түбінде бір затты жасырып жатқан азаматты байқайды. Жасақ бастығы Сайыскелді Сайлауұлы және қатардағы жауынгерлер Темірлан Ағанкелдиев пен Еламан Әбүйір дереу мін-жайды анықтауға кіріскен.
Күдіктінің ағаш арасына белгісіз заттары бар бумалар жасырғаны анықталды. Біз оны ұстаған соң, сол аумаққа қосымша тексеру жүргіздік, дейді әскери жасақ бастығы.
Ұсталған ер адам полицияның учаскелік пунктіне жеткізілген. Тергеу жедел тобы күдіктінің жеке заттарын тінту кезінде өзіне тән иісі бар зат салынған 64 буманы тәркілеген.
Екінші оқиға Есіл ауданы көшелерінің бірінде болған. Әскери жасақ бастығы Еркебұлан Парымбеков және патрульші жауынгерлер Бекнұр Аяшев пен Құрбанәлі Наурызбай марихуанасы бар байлам тауып, іс кесу нәтижесінде тағы екі есірткі курьерін ұстады. Оқиға орнына полиция қызметкерлері шақырылған.
Фото: polisia.kz
