Рейд кезінде патрульдік наряд «Тәуелсіздік сарайының» жанындағы жаяу жүргіншілер алаңына кіріп, жол ережесін бұзған екі көлікті көрген. Полиция қызметкерлері қылмыскерлерді – 22 жастағы екі жігітті анықтаған, деп хабарлайды Malim.kz.
Астана қаласы полиция департаментінің мәлімдеуінше, MERSEDES-BENZ және «Лада Приора» автокөліктерінің екі жүргізушісі әкімшілік жауапкершілікке тартылған. Ал автомобильдер коммуналдық тұраққа қамалған.
Айта кетйік, елорда аумағында тиісті қоғамдық тәртіпті сақтау, көшелердегі және басқа да қоғамдық орындардағы қылмыстардың алдын алу, жолын кесу мақсатында «Учаске» жедел-профилактикалық іс-шарасы өтіп жатыр. ЖМК басталғаннан бері учаскелік инспекторлар 23 мыңға жуық жалдамалы пәтер мен 3 мың саяжай үйін тексерген.
Отбасылық-тұрмыстық қатынастар саласындағы құқыққа қайшы әрекеттері үшін 359 адам жауапқа тартылды. ЖМК өткізу кезінде тұрғылықты жері бойынша ішкі істер органдарында профилактикалық есепте тұрған адамдар тексерілді. 7 мың әкімшілік құқықбұзушылық анықталды, оның ішінде ұсақ бұзақылық фактісі бойынша 148 азамат ұсталды, деп жазды елорда полиция департаменті.
Фото: скриншот
Байланысты жаналықтар
MalimBlocks
