Астанада Назарбаев зияткерлік мектебінің 12 сынып оқушысы пышақ жарақатын алып, ауруханаға түсті. Оның іші, мойны, жамбасы және қолы жараланған. Бұл туралы Buzyq телеграм-арнасы жазды, деп хабарлайды Malim.kz.
Алдын ала болжам бойынша, бұл әрекетті оның жігіті жасаған. Қазір полиция НЗМ студентіне пышақпен шабуыл жасаған адамды ұстаған. Ол кісі өлтіруге оқталды деген күдікке ілініп отыр.
Жәбірленуші 18 жаста болса, күдікті кәмелетке толмаған. Бұл жағдайға жеке қарым-қатынасы себеп болуы мүмкін.
Бізге жеткен мәлімет бойынша, Астанадағы НЗМ-нің жоғары сынып оқушысына 3-4 жерден пышақ сұққан – оның жігіті деген болжам бар. Бойжеткен кеше түнде ауруханаға түскен. Көп қан жоғалтқан. Бүгінде ота жасалып қойған. Есін жиып, сөйлейтін хәлге келген. Бірақ жағдайы әлі ауыр, деп жазады Buzyq телеграм-арнасы.
Фото: ast.nis.edu.kz
