Екі жігіт онлайн-казино ойнап, жұрттың көліктерін сатып жіберген
Олар қазір түрмеге қамалды, әрекеттеріне өкінеді
ШҚО-лық 37 және 35 жастағы екі азамат Алматыда онлайн-казино ойнап, ақшаларынан айрылған, деп хабарлайды Malim.kz.
Polisia.kz жазуынша, мұнымен тоқтамай, қала тұрғындарына автокөлікті есепке алу мүмкіндігін ұсынып, жұртты алдай бастаған. Көліктерін тіркеу үшін деп алып, онысын сатып жіберіп, түскен ақшаны тағы құмар ойынға сала берген.
Ақырында екі көлік иелеріне шамамен 15 миллион теңге материалдық шығын келтірген болып шықты.
Сот оларды қылмыс жасағаны үшін кінәлі деп тауып, 5 жылға бас бостандығынан айыру жазасын тағайындады. Жазасын өтеу үшін сотталғандар Семей қаласының орташа қауіпсіздік мекемесіне жеткізілді, деп жазылған полиция хабарламасында.
Әзірге жәбірленушілерге келтірген материалдық залалдың бір бөлігі ғана өтелген. Ал өздері әрекеттеріне өкінетіндерін айтқан.
Фото: inbusiness.kz
Байланысты жаналықтар
MalimBlocks
