Ішкі істер министрлігі ауа райының қолайсыздығына байланысты жүргізушілерге үндеу жасады
Министрлік жол қозғалысы кезіндегі сақтық шараларын ескертті
Күздің басталуымен ұсақ жол-көлік оқиғаларының болу қаупі артады. Ауа-райының өзгеруі жол жүрісіне қатысушылар үшін қолайсыздық тудырады. Жаңбыр көріністі нашарлатып, дөңгелектердің сырғанауына әкелуі мүмкін. Жиналған судың кесірінен асфальттағы кедір-бұдырлар мен шұңқырлар көрінбей, жол қауіпсіздігіне кері әсерін тигізеді. Осыған байланысты жүргізушілерді мұқият болуға шақырды, деп хабарлайды Malim.kz.
ІІМ әкімшілік полиция комитетінің ерекше тапсырмалар жөніндегі аға инспекторы Ақтоты Боранованың айтуынша, қараңғы уақытта жарық құрылғыларының дұрыстығын қадағалап, жарықтандырылған жолдарды таңдау қажет.
Кенеттен кедергілер пайда болған кезде тоқтауға мүмкіндік беретін жылдамдықты таңдаңыз. Күзде температураның өзгеруіне байланысты жолда, әсіресе көпірлер мен өткелдерде мұз пайда болуы мүмкін. Жолға баса назар аударыңыз, көлік жүргізу кезінде телефон пайдаланбаңыз және көлік басқарудан алаңдататын әрекеттерден аулақ болыңыз, деді ол.
Сонымен қатар, жол жүрісі қағидаларын, жылдамдық режимін және қашықтықты сақтап, жылдам жүріс пен басып озудан аулақ болу қажет. Жаяу жүргіншілерді назардан тыс қалдырмай, айналадағы жол жағдайын бақылауда ұстаған жөн. Сондай-ақ, автокөлік иелеріне ауа-райының өзгеруін мұқият қадағалап, нашарлаған жағдайда елді мекендерден тыс жерлерге шығуды шектеу ұсынылады.
Фото: polisia.kz
Байланысты жаналықтар
MalimBlocks
