Қаржы пирамидасын басқарған күдікті Армениядан экстрадицияланды
Ол жұрттың 167 млн теңгесін алып кеткен
Бас прокуратура және Ішкі істер министрлігінің Интерпол қызметкерлері еліміздің Армениядағы Елшілігінің көмегімен қаржы пирамидасын басқарған Қазақстан азаматшасын қылмыстық жауапкершілікке тарту үшін елге экстрадициялады, деп хабарлайды Malim.kz.
Бас прокуратура мәліметінше, күдікті 2019-2021 жылдар аралығында Қостанай облысындағы «Finiko» қаржы пирамидасының құрылымдық бөлімшесін басқарған. Сонда қырыққа жуық жәбірленуші жалпы құны 167 млн-нан астам теңгеге алдап кеткен.
Қылмыстық топқа қатысушылардың бір бөлігі бұрын әр түрлі жазамен сотталған, ал қылмыс жасалғаннан кейін күдікті Арменияда жасырынған және ол сол елде ұсталып отыр.
Қазір күдікті Ақтау қаласының тергеу изоляторына қамауға алынды.
Айып тағылған қылмысты жасағаны үшін 7 жылға дейінгі мерзімге белгілі бір қызметпен айналысу құқығынан айыра отырып, мүлкі тәркіленіп, 5 жылдан 12 жылға дейінгі мерзімге бас бостандығынан айыру түріндегі жаза көзделген, деп жазды Бас прокуратура.
Фото: бейнежазбадан скриншот
