Референдум-2024: Бас прокуратура дауыс берудің құқық аясында өтіп жатқанын мәлімдеді
Тәртіп сақтауға 33 мыңға жуық полиция мен Ұлттық ұлан қызметкерлері жұмылдырылған
Бас прокуратураның мәлімдеуінше, референдум комиссиялары мен мемлекеттік органдар тарапынан тәртіпбұзушылық тіркелген жоқ. Бүгін, дауыс беру күні үгіт-насихат жұмыстарын жүргізуге тыйым салынған. Сондай-ақ, сауал салу нәтижелері мен масс-медиа мен онлайн-платформаларда жариялауға жол берілмейді, деп хабарлайды Malim.kz.
Бұл туралы Бас прокуратураның Қоғамдық мүддерлерді қорғау қызметінің басқарма бастығы Бекжан Қараманов Орталық коммуникациялар қызметінде өткен брифингте айтты. Оның сөзінше, мұндай сауал салуды учаскелік сайлау комиссиялары дауыс беру үй-жайлдарында да жүргізуге тыйым салынған.
Осы талаптарды сақтамау Әкімшілік құқықбұзушылық туралы кодекстің 102 және 120-баптары бойынша жауаптылыққа әкеп соғады. Қазір мұндай деректер бойынша хабарлама түспеген.
Енді референдум туралы хабар жолданымдарға келетін болсақ, соттар мен прокуратура оларды бүгін дереу қарайды. Жалпы прокуратура органдарына 6-қазанға дейін 9 жолданым келіп түсті. Бұл сауал салу жүргізу, үгіт-насихат және дауыс беру мәселелеріне қатысты болды. барлығы бойынша заңды түсініктеме берілді. Референдум өткізудің заңдылығын жоғары қадағалауды жалғастырамыз, деді ол.
ІІМ ресми өкілі Шыңғыс Әлекешевтің айтуынша, ішкі істер органдарының жеке құрамы қызмет атқарудың күшейтілген нұсқасына ауыстырылған. Басшы және командалық құрам тәулік бойы кезекшілік етіп жатыр. Ел бойынша қоғамдық тәртіпті сақтауға 33 мыңға жуық полиция қызметкері мен Ұлттық ұланның әскери қызметкерлері жұмылдырылған. Оның ішінде 18 мыңы 10 мыңнан астам референдум учаскесінде қызмет атқару үстінде. Осыған дейін қоғамдық тәртіптің бұзылу деректері тіркелген жоқ.
Фото: facebook/ҚР Бас прокуратурасы
Байланысты жаналықтар
MalimBlocks
