Жетісу облысында экс-депутат кәмелетке толмаған баланы зорлады деген күдікке ілінді. Ақсу аудандық полиция бөлімі бала зорлығы фактісі бойынша қылмыстық іс қозғалғанын растады, деп хабарлайды Malim.kz.
Жетісу облысында аудандық мәслихат депутаты бала зорлады деген ақпарат әлеуметтік желілерде тараған болатын.
«Ақсу аудандық полиция бөлімі кәмелетке толмаған азаматқа қатысты сексуалдық сипаттағы зорлық-зомбылық фактісі бойынша сотқа дейінгі тергеп-тексеруді бастады. Күдікті ұсталып, қамауға алынды. Қажетті сот сараптамаларын тағайындаумен тергеу іс-шаралары жүргізіледі. Тергеу шеңберіндегі өзге де деректер ҚР ҚПК-нің 201-бабына сәйкес жарияланбайды», - делінген полиция бөлімінің хабарламасында.
Фото: depositphotos.com
