16 қазанда сағат 15:00 шамасында Аягөз қаласының тұрғындары жылусыз қалды.
Әкімдіктің хабарлауынша, оған «Д159 ысырмасының істен шығып қалуы» себеп болған. Бірақ қазандықтар жұмысын тоқтатқан жоқ.
- 16 қазан сағат 15.00-де Д159 ысырмасының істен шығуы себебінен жылумен жабдықтаудың авариялық ажырауы болды. Алайда қазандықтар жұмысын тоқтатқан жоқ. Ақау сағат 16.00-де толық жойылды, қазір жылу желілерінің температуралық параметрлері жинақталып жатыр. Жалпы, жылу желілерін тарту жұмыстары толығымен аяқталып, жылу магистральдық траншеясы толтырылуда. Барлық нысандар толық көлемде жылумен қамтамасыз етілген. Әлеуметтік маңызы бар нысандарды орталықтандырылған жылумен жабдықтау 5 қазанда жүзеге асырылды, тұрғын үйлер жылуға 15 қазанда қосылды, - делінген әкімдіктің хабарламасында.
Фото: sherkaly-adm.ru
