Шымкентте із-түзсіз кеткен 20 жастағы Бәйдібек Ақмырзаұлы өлі табылды,- деп хабарлайды Malim.kz. Бұл туралы Еламан Момынов есімді азамат әлеуметтік желіде жазды.
Еділбек Бәйдібек Ақмырзаұлы табылды. Бірақ өкінішке қарай, бауырымыздан айырылып қалдық. Қандай жағдай болғанын қазірге айта алмаймын. Тергеу жұмыстары жүріп жатыр», - дейді Еламан Момынов.
Жас жігіт 2025 жылғы 14-қаңтарда Түркістан облысы Ордабасы ауданынан Шымкент қаласына жүргізуші куәлігін алуға келген. Кейін сағат 14:37 шамасында досын әуежайдан шығарып салған. Аялдамаға келіп, әкесіне әлеуметтік желі арқылы ауылға қайтатынын жазыпты.
15:22-де «Қатын көпір» аялдамасы маңында бір ұялы телефоны өшкен, ал 16:00 шамасында екінші телефоны өшіп қалған. Соңғы рет әкесімен желі арқылы ауылға қайтатынын айтып байланысқан. Одан кейін хабар болмады, - дейді жақындары.
Туыстары Еділбек Бәйдібекті іздеп таппағаннан кейін, 16 қаңтарда Тұран аудандық полиция бөліміне арызданған. Шымкент қалалық полиция департаменті іздестіру жұмыстарын жүргізген.
Фото: видеодан скрин
