Желіде бір оқушы басқа балаларды аяусыз ұрып жатқан видеосы тарады, - деп хабарлайды Malim.kz тілшісі.
Видео Nemolchikz қорының Instagram-апрақшасында пайда болды. Жазбада Алматы облысы Іле ауданындағы №49 мектепте болғаны айтылды.
Видео кадрында оқушы басқа балаларды мектептің әжетханасында тізіп қойып, оларды ұрып, боқтап жатқаны көрінеді.
Видеоға Алматы облысы әкімдігінің баспасөз қызметінің басшысы Жанна Арынбекова жауап берген.
"Білім басқармасы қызметтік тексеру жүргізеді. Қорытындысы бойынша тиісті шаралар қабылданады. Оқушылардың қауіпсіздігі мен құқытары толық қамтамасыз етіледі. Тексеру нәтижелері туралы қосымша ақпарат береміз", - деп жазды ол.
Malim.kz редакциясы Іле ауданының әкімдігіне, Алматы облысы білім басқармасына сауал жолдады.
Білім басқармасының айтуынша, оқиға былтыр қыркүйекте болған. Ал оқушы билы наурызда басқа облыстағы мектепке ауыстырылған. Арнайы комиссия құрылып, оқушыларға психологиялық көмек көрсетілген.
"Тексеру нәтижесі бойынша, оқиға қатысты оқушылар мен қатар, тәрбиелік жұмысты тиісті дәрежеде ұйымдастырмаған әрі арнайы органдарға уақытылы хабарламаған лауазымды тұлғалардың жауапкершілігі қаралады", - деді -Алматы облысы білім басқармасының тәрбие жұмысы,қорғаншылық,қамқоршылық және арнайы білім беру бөлімінің басшысы Айжан Ізбасар.
Фото: Видео кадры
