Оңтүстік Кавказдағы көлік бағыттары төңірегіндегі геосаяси бәсеке жаңа кезеңге өтті.
Халықаралық сараптамалық орталықтардың бағалауынша, Әзербайжан, Түркия және Армения аумағы арқылы өтетін жаңа теміржол және автомобиль бағыттары Еуропа мен Азия арасындағы байланысты күшейтетін маңызды жобаларға айналып келеді.
Бұл жобаларға Ресей, Түркия, Еуроодақ және АҚШ-тың қызығушылығы артып отыр. Себебі өңір болашақта энергия тасымалы ғана емес, жүк логистикасы мен цифрлық инфрақұрылым үшін де стратегиялық маңызға ие болуы мүмкін. Қазақстан үшін бұл үрдіс ерекше маңызды. Оңтүстік Кавказдағы инфрақұрылымның дамуы Транскаспий бағытының тиімділігін арттырып, Ақтау порты арқылы өтетін халықаралық жүк көлемінің ұлғаюына ықпал етуі тиіс.
