Жамбыл облысының прокуратурасы интернет арқылы үш адамды алдаған күдікті ұсталғанын мәлімдеді. Бұл туралы КТК арнасы хабарлады.
18 шілдеде Тараз қаласы прокуратурасының үйлестіруімен жедел-іздестіру жұмыстарын жүргізу барысында қалалық полиция бөлімінің қызметкерлері қаланың 3 сенімді азаматын интернет байланысы арқылы алдаған Ресей Федерациясының «Р» есімді азаматын ұстаған болатын. Жоғарыда аталған азамат осы жылдың сәуір-мамыр айлары аралығында өз сыбайластарымен бірге азаматтардың сеніміне кіріп, әртүрлі нөмірлерден қоңырау шалып, «Екінші деңгейдегі банктердің қауіпсіздік қызметінің жұмыскерлері» және құқық қорғау органдарының қызметкерлері ретінде таныстырып, алаяқтар азаматтардың атынан несие алмақшы екенін айтқан. Осы схеманы пайдалана отырып, алаяқтар WhatsApp әлеуметтік желісінің бейнебайланысы арқылы алаяқтық жолмен несие ресімдеп, жәбірленушілердің 19 млн теңгесін иемденген.
Аталған факті бойынша 25.04.2024 жылы ҚР ҚК 190-бабының 4-бөлігі 2-тармағы бойынша сотқа дейінгі сотқа дейінгі тереп-тексеру басталды. Күдікті Мемлекеттік шекара бекетінен Қырғызстанға өту кезінде ұсталды. Қазіргі уақытта тергеу амалдары жүргізіліп жатыр. ҚПК-нің 201-бабына сәйкес басқа ақпарат жария етуге жатпайды.
Фото: Inform.kz
Байланысты жаналықтар
MalimBlocks
