Еңбекшіқазақ ауданының прокуратура қызметкерлері тәртіп сақшыларымен бірлесіп жабайы қарасора алқабын тапты.
Оның жалпы ауданы 5 гектардан асады. Қазіргі өсімдікті жою шаралары жүргізілуде.
- Қарасора құрамында есірткі немесе психотроптық заттар бар өсімдіктердің тізіміне енгізілген және республика бойынша бақылауға жатады. Құрамында есірткі заттары бар тыйым салынған өсімдіктерді заңсыз өсіргені үшін үш жылдан сегіз жылға дейінгі мерзімге бас бостандығынан айыру түріндегі қылмыстық жаза қарастырылған. Құрамында есірткі заттары бар өсімдіктерді заңсыз өсіру жағдайлары туралы хабардар болсаңыз, дереу құқық қорғау органдарына хабарлауыңызды сұраймыз, - деп хабарлады Алматы облысының прокуратурасы.
Сонымен қатар, облыстық прокуратура ҚР Әкімшілік құқық бұзушылық туралы кодексіне сәйкес, жер иелері мен жер пайдаланушыларға жабайы кендірді жою шараларын қолданбағаны үшін жауапкершілік қарастырылғанын ескертті.
Еске салайық, бұған дейін Алматы әуежайында есірткі тасыған екі жолаушы ұсталған еді.
Фото: polisia.kz
Байланысты жаналықтар
MalimBlocks
