Алматыда стендап-комик Нұрасхан Басқожаев 15 тәулікке қамалды
Ол танымал блогерге әдепсіз сөз айтқан.
Алматыда стендап-комик Нұрасхан Басқожаевқа ұсақ бұзақылық жасады деген айып тағылды, деп хабарлайды Malim.kz.
Сот анықтағандай, айыпталушы ойын-сауық мекемесінде стендап көрсету кезінде жиналғандарға қатысты әдепсіз сөздер айтып, сол арқылы қоғамдық тәртіпті бұзған.
Айыпталушы өз кінәсін толық мойындап, іс материалдарында көрсетілген мән-жайларды растады.
Сот айыпталушыны ӘҚБтК-нің 434-бабының 1-бөлігінде көзделген әкімшілік құқық бұзушылық жасағаны үшін кінәлі деп танып, оған 15 тәулікке қамауға алу түріндегі әкімшілік жаза тағайындады.
Сот қаулысы заңды күшіне енген жоқ.
Айта кетейік, бұған дейін Мадлен деген атпен танымал болған блогер Мадинахон Мамадалиева әзілкеш Нұрасхан Басқожаевтың сөзіне қарсылық танытып, үстінен арыз түсіретінін айтқан еді.
Фото: festival.goviral.kz
Байланысты жаналықтар
MalimBlocks
