Алматыда жолақы құны 120 теңге болуы мүмкін
Бұл жөнінде қалалық мәслихаттың кезектен тыс XXI сессиясында айтылды
Алматыда автобуспен жүру құны қымбаттайды. Қалалық мәслихат депутаттары бағаны көтеруді қолдап дауыс берді.
Қоғамдық көлікте жол жүру тарифі 20 теңгеге, яғни 120 теңгеге дейін өсуі мүмкін. Бұл жөнінде қалалық мәслихаттың кезектен тыс XXI сессиясында айтылды. Осының есебінен тасымалдаушыларға бюджеттен субсидиялар мөлшерін азайту көзделуде.
Депутаттар бұл шешімді түсіндіре отырып, субсидиялардың өсімі көлік тарифтерінің өсуінен асып түсетінін және бюджеттен бөлінетін шығыстардың көбейіп жатқанын, оны басқа мақсатқа пайдалануға болатынын алға тартты.
Қоғамдық көлік жұмысын ілгерілету үшін тасымалдаушылар алдағы жылдары 800-ге жуық автобус сатып алуды жоспарлап отыр.
Тарифтер мәслихат шешімінен кейін Алматы әкімдігінің қаулысымен бекітілетіні мәлімделді. Бұл туралы қосымша хабарланады.
Фото: Ж.Каримова, Vlast.kz
