«Біреудің қызы зат па?». Әйелі той үстінде күйеуіне тоқал сыйлады
Оқырман оның әрекетін сынап жатыр.
Әлеуметтік желіде әйел адамның күйеуіне екінші әйел сыйлағанының видеосы жарияланды, деп хабарлайды Malim.kz.
Кадрдан той үстінде «тосын сыйды» қорапқа салып бергенін көруге болады. Дегенмен әйелдің бұл әрекетіне қатысты оқырман қауым түрлі сыни пікір білдіріп жатыр.
«Біреудің қызы зат па, не? Оны сыйлайтын. Бетімен кеткен заман болды ғой», «Қазақстанда құлдық деген бар ма не? Сыйлады деген не сөз ол?», «Пранк деп үміттенемін. Егер шын болса, орта ғасырға қайта келіп жатырмыз деген сөз», «Ұят-ай», «Мұндайға өмірімде келіспеспін», деп жазды желі қолданушылары.
Дегенмен оның бұл сыйлығын оң бағалағандар да табылған.
«Ең ақылды әйел», «Нағыз махаббат, әйелі күйеуін шын жақсы көреді екен», «Менің әйелім де осындай ақылды болса ғой», деп жазғандар бар.
Фото: Видеодан алынған кадр
