Бишімбаевтың адвокаты сот процесін «сотсымақ» деп атады – судья отырысты дереу тоқтатты
Судья қорғаушы Газымжановқа қатысты сот отырысы барысында сотты бірнеше рет құрметтемегені үшін жеке қаулы шығару туралы мәселені талқылау қажет деп санайды.
Судья Айжан Көлбаева сотталушының адвокаты Ерлан Ғазымжановқа қатысты сотты құрметтемегені үшін жеке сот қаулысын шығару мақсатында сот процесін уақытша тоқтатты, деп хабарлайды Ulysmedia.kz.
Мен Бишімбаевқа сұрақ қойып біткен жоқпын. Мен сіздің әрекеттеріңізге тағы да қарсылық білдіруге мәжбүрмін. Сіз қорғау тарапын ылғи тоқтатасыз. Сотталушының сөйлеуіне жол, сұрақ қоюға мүмкіндік бермейсіз. Бұл біржақты процес сияқты сезінеміз. Сот емес, сотсымаққа айналып барады. Барлығы бір Бишімбаевқа қарсы, - деді адвокат Ғазымжанова сотта.
Судья қорғаушы Газымжановқа қатысты сот отырысы барысында сотты бірнеше рет құрметтемегені үшін жеке қаулы шығару туралы мәселені талқылау қажет деп санайды. Осы себепті сот кеңесу бөлмесіне кетті.
Бұған дейін адвокат Газымжанов сот процесінде судьямен тағы да ұрысып қалған болатын.
Фото: Жоғарғы сот
