«Досаев, кет!» Алматы әкімдігі митинг өткізуге келісім берді
Алматы қаласы әкімдігі әкімдерді сайлауды талап ететін митинг өткізуге келісім берді. Ақпаратты қалалық Ішкі саясат бөлімі растады.
Бастапқыда белсенділер митингті қала әкімдігі алдындағы алаңда өткізуді жоспарлаған. Алайда митинг өткізуге келісім берген әкімдік хабарламасында оның орны өзгертілген. Митинг 5 ақпанда Алматыдағы Шоқан Уәлиханов ескерткіші маңында өтеді. Белсенділер әкімді халық таңдауы керек деген талап қойып отыр. Әлеуметтік желілерде митингтің «Досаев, кет!» деген ұраны тарап жатыр.
Оқи отырыңыз: Чем известен новый аким Алматы Ерболат Досаев
Айта кетейік, 3 ақпанда қала әкімдігі Қаңтар оқиғасы кезінде қайтыс болғандарды еске алуға арналған қаралы митинг өткізуге келісім бермей, себебін қаладағы эпидемиологиялық жағдайға байланысты деп түсіндірген.
Оқи отырыңыз: Петициялардың пәтуасын кім шығарады?
Қаңтардағы қайғылы жағдайдан кейін Алматы тұрғындары қала әкімі Бақытжан Сағынтаевқа қарсы петицияға қол жинап, Тоқаевтың бұйрығымен ол басқа жұмысқа ауыстырылған. Ал оның орнына бұрынғы Ұлттық Банк төрағасы Ерболат Досаевты тағайындаған. Алайда Досаевтың кандитурасы да тұрғындарға ұнамай, оған қарсы петиция жарияланған.
Байланысты жаналықтар
MalimBlocks
