Ертең елімізде жаңбыр, бұршақ жауып, үсік жүруі мүмкін
«Қазгидромет» РММ ертеңге ауа райы болдамын ұсынды
![](/images/article-img/1600/22144-1716725260-m.jpg)
Синоптиктердің болжамынша, Қазақстанның басым бөлігінде жауын-шашын болады, елдің солтүстігі мен шығысында қатты жаңбыр жауады, шығыста қар жаууы мүмкін, деп хабарлайды Malim.kz.
Еліміздің басым бөлігінде түнде жауын-шашын болады, шығыста қатты жауын-шашын (жаңбыр, қар) жауады, республиканың солтүстік-шығысында нөсер болады. Тек оңтүстікте антициклонның ықпалымен жауын-шашынсыз ауа райы сақталады. Ел аумағында екпінді жел соғып, найзағай ойнайды, орталық бөлігінде дауыл тұрып, түнде оңтүстік-шығыста – тұман күтіледі, делінген болжамда.
Түнде Ақмола, Қарағандының батысында, Ұлытау, Солтүстік Қазақстан облыстарының солтүстігінде, Түркістан облысының солтүстігінде топырақ бетінде, таулы аудандарында 1-2 градус үсік күтіледі.
Қостанайдың оңтүстігінде, Атырау облысының батысында, Қызылорда облысының шығысында, БҚО-ның батысында, оңтүстік-батысында, Абай облысының орталығында жоғары өрт қаупі күтіледі.
Абай облысының оңтүстігінде, Жетісудың шығысында, Түркістан облысының шөлді аймақтарында да өте жоғары өрт қаупі күтіледі.
Фото: gov.kz