Ферроқорытпа зауытында жарақат алғандардың бесеуінің жағдайы өте ауыр
Ал полиция оқиға бойынша іс қозғаған
Қарағандыдағы YDD Corporation ферроқорытпа зауытындағы оқыс жағдайдың кейін күйік шалған 8 қызметкер Х. Мақажанов атындағы облыстық көпсалалы ауруханаға жеткізілген, деп хабарлайды Malim.kz.
«Индустриальная Караганда» басылымының жазуынша, облыстың денсаулық сақтау басқармасы зардап шеккендер жайлы хабар таратқан. Хабарламаға қарағанда, алтауы жансақтау және қарқынды терапия бөліміне, екеуі комбустология бөліміне жатқызылған. Зардап шеккендердің бесеуінің жағдайы өте ауыр, екеуі ауыр, бір науқас орташа ауыр деп бағаланады.
Зардап шеккендерді тиісті мамандар қарады. Қосымша тексерулер жүргізілді. Барлық қажетті ем-домды толық көлемде алады, деп мәлімдеді облыстың Денсаулық сақтау басқармасы.
Ал облыстың полиция департаментінің мәліметінше, осы оқиға бойынша ҚР ҚК 156-бабының 2-бөлігі, яғни, «абайсызда денсаулыққа ауыр зиян келтіруге әкеп соққан еңбекті қорғау ережелерін бұзу» бойынша қылмыстық іс қозғалған. Қазір тергеу шаралары жүргізіліп, оқиғаның мән-жайы анықталып жатыр.
Айта кетейік, мұның алдында аталған зауытта штаттан тыс жағдай болып, кенеттен шыққан жалынның салдарынан кәсіпорынның 8 жұмысшысы түрлі дәрежеде жарақат алғанын жазған едік.
Фото: pro-palliativ.ru
