Пандемия кезінде әлеуметтік желі қолданушылары үкіметке түрлі сын айтып жатыр. Елде коронавирусқа шалдыққандар саны 50 мыңға жуықтады. Қазір Қазақстан гумунитарлық көмекке мұқтаж болып қалды. Бүгін Грузиядан көмек жетті. Бұған дейін Қытай, Түркия сынды елдер жәрдемдескен еді. Белгілі айтыскер ақын Аманжол ӘЛТАЙ бұндай қиын жағдайда мықты азаматтар бірігу керек дейді.
«Халықтың ахуалы күн санап төмендеп барады, індеттен еңсесі түсіп қорғансыз күн кешуде. Өкіметтің қауқарсыз халі пандемиямен күресуде әлсіздігін көрсетуде. Осындай ауыр сәтте қайраткерлік қарымы дәлелденген мықты азаматтар бірігіп, білек түріп іске кірісуі қажет. Халықтық, мемлекеттік мүдде үшін ортақ іске жұмылуы қажет. Президентіміз Иманғали Нұрғалиұлын Мәскеуде шеттетпей, қасына алып өкімет басшысы етіп тағайындауы керек. Иманғалидың қолынан талай жылдар бойы майлы жілік мүжіген, шапағатын көрген зиялы қауым өкілдерінің үнсіз жатқандығы қайран қалдырады. Өз басым Имекеңнің алдына барып бір өтініш айтып көрмеппін. Ол кісінің мемлекетшіл, ұлтын сүйетін, халқының жүрегін түсінетін қасиеттерін мойындаймын. АҚЖОЛ!!!», - деп жазды айтыскер instagram желісінде.
Фото: tengrinews.kz
