Гауһар Танашева мәжіліс депутаты ретіндегі өкілетінен айырылды. Бұл туралы Орталық сайлау комиссиясы мәлімдеді, деп хабарлайды Malim.kz.
Қазақстан Халық партиясы" қоғамдық бірлестігі бюросының 2024 жылғы 23 желтоқсандағы № 27 қаулысының негізінде Гаухар Шаймерденқызы Танашева Қазақстан Республикасы Парламенті Мәжілісінің депутаты өкілетін жоғалтты деп танылсын, делінген ОСК таратқан хабарламада.
Гауһар Танашева 1974 жылы 29 қарашада дүниеге келген. Қазақ, білімі жоғары, дәрігер кардиолог.
Білімі:
1992-1998 жылдары – С.Ж. Асфендияров атындағы Қазақ мемлекеттік медицина университеті, "Емдеу ісі" мамандығы:
1998-2000жж. – С.Ж. Асфендияров атындағы Қазақ мемлекеттік медицина университеті, "Кардиология" мамандығы;
2002-2007 жылдары – Халықаралық мамандықтар институты, "Экономика" мамандығы;
2008 ж. – "Кардиология және ішкі аурулар ғылыми-зерттеу институты", Кардиология мамандығы бойынша білігін арттыру.
Еңбек өтілі (қызметі):
2000-2002 жж. – С.Ж. Асфендияров атындағы ҚазҰМУ, интерндерге арналған ішкі аурулар кафедрасының ассистенті;
2003-2016 жж. – Ірі фармацевтикалық компаниялардың маркетинг бөлімі (Pfizer, Gedeon Richter, Zentiva, Sanofi, Actavis);
2014-2022 жж.– "Қазақстан балалары "Жастарды дамыту Алматы қайырымдылық қоры" Қоғамдық қорының президенті;
2020-2023 жж. – "Қазақстан аналарының бірлестігі" корпоративтік қорының директоры.
2023 жылғы 28 наурызынан бастап қазірге дейін "Қазақстан Халық партиясының" партиялық тізімі бойынша Қазақстан Республикасы Парламенті Мәжілісінің VIII шақырылым депутаты, Қазақстан Республикасы Парламенті Мәжілісінің Әлеуметтік-мәдени даму комитетінің мүшесі, Қазақстан Республикасы Парламенті Мәжілісінің "Қазақстан Халық партиясының" фракциясының мүшесі.
Фото: parlam.kz
