Оқушылардың суицид жасауына желідегі ойынның қатысы жоқ – ІІМ

Ішкі істер министрлігі Алматыдағы оқушы қыздардың суицид жасауы мен әлеуметтік желідегі қауіпті ойынның арасында байланыстың бар-жоғын анықтады.  

- Алматыда өз-өзіне қол салған екі жасөспірімнің суицидтік ойынға қатысы жоқ екенін хабарлаймыз. Олардың телефондары тексерілді, ойынға қатысқандары анықталмады. Қазір өшірілген хаттар мен қосымшаларды анықтау үшін телефондары тағы да тексеріліп жатыр, - деп түсіндірді министрлік.

Айта кетсек, бұған дейін әлеуметтік желіде жасөспірімдер интернеттегі суицидтік ойыннан кейін өзіне қол салған деген ақпарат тараған еді. Бұл жаңа ойын кезіндегі атышулы “Синий кит” ойынына ұқсас дейді әлеуметтік желі қолданушылары. 

Фото: Sputnik. Т.Кадырбеков