Павлодарлық полицейлер суицид жасамақ болған адамды құтқарып қалды
Ол адамның туыстарымен жанжалдасып қалғаны білгілі болды
Павлодарда полиция қызметкерлері суицид жасамақ болған тұрғынды құтқарып қалды, деп хабарлайды Malim.kz.
Polisia.kz жазуынша, 29 маусым күні сағат 03:40 шамасында «102» желісіне Н.Назарбаев даңғылы бойындағы 91 үйдің 8-қабатының балконында ер адамның асылып тұрғаны туралы хабарлама түскен. Оқиға орнына дереу патрульдік полиция батальонының қызметкерлері жедел жеткен.
Олар барғанда ер адамның 8-қабаттың балконында асылып тұрғанын көрген. Полицейлер бірден жоғарыға көтеріліп, жедел жәрдем қызметкерлерімен бірге пәтердің есігін ашып, балконға өткен. Полицейлердің бірі төмен түсіп, ер адамды бірге жоғары шығарған. Оқиға кейіпкері болған оқиғаны түсіндіріп айтып беретіндей жағдайда болмаған. Ал тәртіп сақшылары онымен жақын тілдесіп, жақындарына керек екенін айтып, психологиялық қолдау білдірген.
Артынан белгілі болғаны, ол кісі мұндай әрекетке туыстарымен жанжалдасып қалғаннан барған екен.
Фото: Polisia.kz
