Путиннің өкілетті өкілі Қазақстанды Ресей облыстарын су басқаны үшін айыптады
Оның пікірінше, ағынды сулар реттелсе, Ресей Федерациясының Қорған және Түмен облыстарындағы су тасқыны мәселесін болдырмауға болады.
Ресей президентінің Ресей Федерациясының Орал федералды округіндегі өкілетті өкілі Владимир Якушев Қазақстанды Ресей аймақтарындағы су тасқыны үшін айыптады, деп хабарлайды Malim.kz Ulysmedia.kz сайтына сілтеме жасап.
Бізде осындай қыс болған кезде, қардың жеткілікті мөлшері болған кезде және су қоймасында судың жеткілікті үлкен қоры жиналған кезде, әріптестерімізбен [Қазақстаннан] дұрыс және біркелкі болуы үшін су қоймаларындағы суды ағызу келісілген, - деді Владимир Якушев РБК-ға берген сұхбатында.
Владимир Путин өкілінің пікірінше, ағынды сулар реттелсе, Ресей Федерациясының Қорған және Түмен облыстарындағы су тасқыны мәселесін болдырмауға болады.
Еске салайық, Жайық өзенінің суы Орск пен Орынборды басқаннан кейін, төтенше жағдай енгізілген Ресей Федерациясының Қорған және Түмен облыстарында эвакуация басталды.
8 сәуірде Орскідегі бөгет жарылғаннан кейінгі үшінші күні жергілікті тұрғындар су тасқынынан зардап шеккендерге төлем талап етіп, Комсомол алаңындағы әкімшілік ғимаратына митингке шықты. Алаңға жиналған адамдар «Путин, көмектес!» және «Позор!» деп ұрандатты.
Біраз уақыттан кейін акцияға қатысушылар тобы әкімшілік ғимаратына Ресей Федерациясының Орынбор облысының губернаторы Денис Паслермен кездесуге шақырылды. Ол келушілерге телефонсыз болуды талап етті.
Фото: Владислав Лоншаков, Коммерсантъ
Байланысты жаналықтар
MalimBlocks
