«Қайратсыз той өтпейді». Гүлзира Айдарбекова кәрістер ұлын қалай бағалайтынын айтты
Ол әншіге деген халықтың ықыласы бөлек екенін атап өткен.
Белгілі продюсер Гүлзира Айдарбекова кәріс отбасының мерейтойына барып, ұлы Қайрат Нұртастың абыройлы екенін айтып, мақтанды, деп хабарлайды Malim.kz.
Продюсердің сөзінше, той иелері Қайрат Нұртассыз ешқандай мерекелік кеш өткізбейді. Әншіні арнайы шақыртып, құрмет көрсетеді.
Тойдың иесі кәріс болғандықтан өздерінің ұлттық ерекшеліктеріне сай мейрамхананы безендіріпті. Бұл отбасы Қайратсыз той өткізбейді. Қайрат бос болмаса, той күнін алмастырып жібереді. Роберт ағамыз жаныма келіп, “Мен ылғи достарыма айтамын. Тура Қайрат сияқты үлкен концерт залы мен стадионды кім толтыра алады. Жалғыз Қайрат емес пе деп мақтанамын” дегенде төбем көкке жеткендей болды, - деп жазды Гүлзира Айдарбекова.
Сондай-ақ тойға келген қонақтар билеместен әншіні суретке түсіруге тырысатынын атап өтті.
Жалпы, Қайрат барған тойда ылғи байқайтыным, алғашқы әнінде ешкім билемейді. Тек телефондарына түсіріп, қоршап алады. Екінші әнінде ғана билей бастайды. Үміт артқан ұл-қыздарымыз тек жақсылығымен қуантып, бақытқа жеткізсін! – дейді продюсер.
Фото: instagram.com/gulziraaidarbekova
Байланысты жаналықтар
MalimBlocks
