«Қол-аяғымызды байлап жатыр». Өзбекстандық имамдарға блогер болуға тыйым салынды

Ташкенттік имамдар бұл шешіммен келіспейді.

Сабина Асқарқызы

  • 05.06.2024

Өзбекстанда діни басқарма имамдарға әлеуметтік желіге шығуға тыйым салды, деп хабарлайды Malim.kz Азаттық радиосына сілтеме жасап.

Азаттықтың Өзбек қызметінің мәліметінше, 27 мамырда Өзбекстан мешіттеріндегі имамдар әлеуметтік желілерге кірмеу және ондағы жазбаларға "лайк" баспау туралы ескерту алған. Ташкент қаласы бас имамының көмекшісі Эргаш Рустамовтың Telegram-да аудандардың бас имамдарына жіберген аудиосы тарады. Онда Рустамов имамдардың желідегі сөздері қатаң бақылауда екенін айтқан.

Сәлеметіздер ме, құрметті аудан бас имамдары! Біздің келесі тапсырмамыз - әлеуметтік желілерге кірмеу. Мұны қатаң түрде бақылаймыз. Қажыға баратындарға да мұның қатысы бар… Әлеуметтік желіде кез келген тақырыпқа "лайк" қоюға болмайды, – деді Рустамов.

Имамдар діни басқарма шешімін олардың қызметіне мемлекеттік бақылауды күшейту деп санайды.  Өз аты-жөнін айтқысы келмеген Ташкент имамы әлеуметтік желілерге имамдардың шығуын шектеу – ар-ождан бостандығы туралы заңға қайшы деп есептейді.

Олар мұны мүфтидің бұйрығы дейді. Қол-аяғымызды байлап жатыр, – деді ташкенттік имам.

Бұған дейін Өзбекстанда мешіт имамдары мен олардың орынбасарлары жеке паспортын елдегі мұсылмандар діни басқармасы өкілдеріне өткізсін деген пәрмен түскені жөнінде хабар тараған. Мұның себебін имамдардың шетелге кетуіне жол бермеу деп түсіндірді.

Кейінгі күндері имамдарға қатты қысым көрсетіп жатыр. Билік кейбір имам елден кетіп қала ма деп алаңдайды, – деді Азаттық радиосының Өзбек қызметі (Озодлик) сөйлескен адам.

Өзбекстан Конституциясына сәйкес, дін мемлекеттен бөлек. Діни ұйымдар мен конфессиялар қызметі Өзбекстанның "Ар-ождан бостандығы және діни ұйымдар туралы" заңымен реттеледі.

Фото: podrobno.uz

Байланысты жаналықтар

Мадина Сәдуақасова анасын туған күнімен ерекше құттықтады

04.10.2024

Өзін блогер санайтындар әкімнің әр қадамын аңдуды әдетке айналдырды - Тоқаев

03.10.2024

«Мені ешкім қолдамайды». Айсәуле Бақытбек желіде мәлімдеме жасап, көпшілікті ойландырып қойды

30.09.2024

Үш метрлік питонды Қазақстаннан Өзбекстанға алып өтпек болған

28.09.2024

«Президент сыйлығы»: Өзбекстандық олимпиада чемпионы жазаланды

26.09.2024

Украинада әскерилер мен шенеуніктерге Telegram қолдануға тыйым салынды

21.09.2024
MalimBlocks
Мадина Сәдуақасова анасын туған күнімен ерекше құттықтады

Ол әні арқылы анасына деген бар махаббатын жеткізгенін алға тартты.

Өзін блогер санайтындар әкімнің әр қадамын аңдуды әдетке айналдырды - Тоқаев

«Мені ешкім қолдамайды». Айсәуле Бақытбек желіде мәлімдеме жасап, көпшілікті ойландырып қойды

Айсәуле Бақытбек жүйкесі сыр беріп жүргенін айтты.

Үш метрлік питонды Қазақстаннан Өзбекстанға алып өтпек болған

Олар кеденшілердің қолына түсті

«Президент сыйлығы»: Өзбекстандық олимпиада чемпионы жазаланды

Спортшы жол ережесін бұзған

Украинада әскерилер мен шенеуніктерге Telegram қолдануға тыйым салынды

Мақсат – ұлттық қауіпсіздікті сақтау