Қостанай облысындағы Амангелді ауылы су астында қалды. Бұл туралы Тobolinfo.kz жазды.
Арқалық елдімекенінде алғашқы су тасқыны 25 наурызда тіркелген. Ал кеше Амангелді ауылында жағдай ушыққан.
Ауыл тұрғындарың айтуынша, су үйге дейін жеткен. Әсіресе малға қауіп төніп тұрғанын айтады. Тұрғындар өмірі мен дүние-мүлкі үшін алаңдаулы.
Айтуынша, оқиға орнында 18-ге жуық құтқарушы жұмыс істеп жатыр, бірақ олардың жұмысы жеткіліксіз. Сондай-ақ, тұрғындар жергілікті билік су тасқынына дайын болмаған айтады.
- Халық әбігерге түсті. Билік су тасқынымен күресте қауқарсыз. Ең негізгі Сейфуллин көшесін су басты. Мұнда екі мектеп орналасқан», - деп дабыл қақты тұрғындар.
Жергілікті тұрғындардың «Тоболинфо» редакциясына жіберген су басқан көшелердің фотолары
