ҚМДБ мәліметінше, мұсылман зиратында ысырапшылдыққа жол беруге болмайды. Қымбат құлпытастар орнату, сурет салу, үлкен ескерткіш қою шариғатқа сай емес, деп хабарлайды Malim.kz BAQ.KZ сайтына сілтеме жасап.
Діни басқарма “Ағраф” сүресінің 31-аятын келтіріп: “Жеңдер, ішіңдер және ысырап етпеңдер. Алла ысырап етушілерді жақсы көрмейді” деп, шамадан тыс шығынның дұрыс еместігін атап өтті.
ҚМДБ әзірлеген “Зират және зиярат мәдениеті” құжатында мазардың нақты үлгісі белгіленген:
• Марқұмның аты-жөні мен жерленген орнын белгілеу үшін құлпытас қоюға рұқсат етіледі;
• Бірақ үлкен ескерткіштер, сәнді қоршаулар, мүсіндер орнатуға болмайды;
• “Тірілер көрсін” деген көзбояушылық әрекеттерден аулақ болған жөн;
• Қымбат мазар салғаннан гөрі, сол қаржыны қайырымдылыққа жұмсау сауапты іс болып саналады.
ҚМДБ мәліметіне сай, құлпытас қоюда мына талаптар сақталуы тиіс:
• Биіктігі – 1 метрден, ені – 50 см-ден аспауы керек;
• Тек марқұмның аты-жөні, туған және қайтыс болған күні жазылады;
• Сурет салуға, қымбат тастар қолдануға, Құран аяттарын жазуға болмайды.
Фото: BAQ.KZ
Байланысты жаналықтар
MalimBlocks
