Соңғы 30 жылда Қытайда тұрып жатқан 160 мыңнан астам қазақ тарихи отанына оралған. Бұл туралы HALYQSTAN телеграм-арнасы жазды, деп хабарлайды Malim.kz.
NetEase мәліметтері бойынша, Қытайдағы қазақтардың саны 1,5 миллионнан асады. Олардың Қазақстанға көшуіне себеп болған басты факторлар – Қазақстан ұсынған преференциялар болып отыр. Оған мынадай басымдықтар кіреді. Біріншіден, кез келген уақытта елге кіріп-шығу еркіндігі, біржолғы ақшалай субсидиялар, ұзақмерзімді субсидиялар (тұрғын үй салу, білім алу және медициналық қызмет көрсету бойынша) және басқа жеңілдіктер. Бұл мүмкіндіктер Қытайдағы кедейшілікте өмір сүрген қазақтар үшін өте тартымды болды.
Екінші себеп – ұлттық сана-сезім мен ата-баба мекенінде өмір сүруге деген ұмтылыс.
Үшінші себеп – Қытайдағы көптеген қазақтардың жақында, яғни ұжымдастыру жылдарында, Кеңес өкіметінің қудалауынан құтылу үшін Қытайға көшкендігі. Бірақ Қазақстан тәуелсіздігін алғаннан кейін олар дереу тарихи отанына қайтып оралды.
NetEase авторының айтуынша, төртінші себеп – Шыңжаң мен Цинхайда тұратын қазақтардың көпшілігі әлі күнге дейін дәстүрлі мал шаруашылығына негізделген өмір салтын ұстанатындығы.
Фото: 163.com
