Шымкенттегі «Мұз сарайы» мемлекетке қайтарылды
Қала әкімдігі 2017 жылы ірі нысанды кәсіпкер Серікжан Сейтжановқа 128 миллион теңгеге сатқан еді.
Сыбайлас жемқорлыққа қарсы іс-қимыл агенттігінің Шымкенттегі департаменті қала прокуратурасымен бірлесе отырып, “Мұз сарайын” мемлекет меншігіне қайтару бойынша шаралар қабылдады, деп хабарлайды Malim.kz.
Агенттіктің мәліметінше, Шымкенттегі “Мұз сарайы” мемлекеттің бақылауына қайтарылып жатыр.
Департамент қала прокуратурасымен бірлесіп “Мұз сарайын” мемлекет меншігіне қайтару бойынша шаралар қабылдады. Биыл 27 мамырда бірінші сатыдағы сот “Спорт сарайы” ЖШС үлесін (67%) жеке меншікке 128 миллион теңгеге сатып алу-сату шартының күшін жойды, – деп хабарлады өңірдегі департамент басшысы.
Сот шешімі заңды күшіне енген жоқ.
Айта кетейік, Шымкент әкімдігі 2017 жылы шаһардағы ең ірі нысанның бірі – “Мұз сарайын” 128 миллион теңгеге сатқан еді. Қаланың баспасөз қызметі сол уақытта нысанды “МұнайҚұрылысСервис” ЖШС компаниясы сатып алғанын мәлімдеді. Артынша бұл компания шымкенттік кәсіпкер Серікжан Сейтжанов тиесілі екені белгілі болды.
Фото: ZTB
Байланысты жаналықтар
MalimBlocks
