Тасқыннан зардап шеккен 20 мыңнан аса отбасы мемлекеттен көмек алды
Бүгінде 130 отбасы жаңа үйіне қоныстанған
ҚР Үкіметі Мемлекет басшысы Қасым-Жомарт Тоқаевтың тапсырмасы бойынша биылғы көктемде су тасқынынан зардап шеккен азаматтарға келтірілген залалды өтеу жұмыстарын жалғастырып жатыр. Үкімет осындай хабарлама таратты, деп хабарлайды Malim.kz.
Үкімет хабарлауынша, бүгінде 20 601 отбасы 100 АЕК мөлшерінде жалпы көлемі 7,4 млрд теңгеден астам қаражат біржолғы төлем алды. Мал шығыны үшін берілген мемлекеттік көмек көлемі 1,1 млрд теңгеден асты.
11 мамырдағы жағдай бойынша 130 отбасы ескі тұрғын үйінің орнына жаңа баспанаға ие болды. Одан бөлек, Ақтөбе, Қостанай, Солтүстік Қазақстан және Павлодар облыстарында зардап шеккен азаматтарға берілетін 239 жаңа үй салынып жатыр. Сонымен қатар, 568 отбасы 710 млн-нан астам теңгеге тұрғын үйді жөндеуге және қалпына келтіруге өтемақы алды. Жалпы алғанда зардап шеккен өңірлерде 9995 тұрғын үй тексеріліп, 7522 нысанда бағалау жұмыстары жүргізілді.
Фото: Ақорда
MalimBlocks
