«Ұят тірлік». Үйлену тойда көрсетілген дәстүр желі қолданушыларының талқысына түсті
Асатудың жаңа түрі ме?
Tik Tok әлеуметтік желісінде үйлену тойындағы тағы бір ерекше дәстүр көрсетілді. Желі қолданушылары мұндайды бұрын-соңды көрмегенін айтып, наразы болып жатыр, деп хабарлайды Malim.kz.
Екі жастың үйлену тойында ақ көйлек киген келінді екі жеңгесі ортаға алып шығады. Осы кезде әулеттің үлкені орамал таққан әже қолындағы етін аузына қыстырып тұрады. Жаңа түскен келін сол етті үлкен енесінің аузынан тістеп алып жатыр. Одан кейін той иесі, жас келіннің енесі де ет тістеп, келіннің аузына тосады. Енесі мен келіні бір етті бөлісіп жегенін жаңа дәстүрге балап жатыр.
Желі қолданушылары тойдағы бұл әрекетті "шектен шығу" деп бағалап жатыр.
«Бұл қандай дәстүр?», «Бәрі ойына келгенін істеп жүр», «Тойда әртүрлі дәстүр шығарып жүреді екенсіңдер», «Мынау ұят тірлік», - деп пікір қалдырып жатыр желі қолданушылары.
Көпшілік ұят болмас үшін тойдың өзіндік жаңа ережелерін бекіту керегін атап өткен.
Фото: Видеодан скрин
