"Жағдай қиын". Депутат ел солтүстігінде тұратындарға ақша төлеуді ұсынды

Депутаттың айтуынша, солтүстік аймақтарда халық санының азаюы байқалады

Арман Қайыпхан

  • 29.05.2024

Мәжіліс депутаты Дмитрий Колода еліміздің солтүстік өңір тұрғындарының әл-ауқатына алаңдаушылық танытты, деп хабарлайды Malim.kz.

Климаттық жағдай, әлеуметтік, коммуналдық және жол инфрақұрылымының мәз еместігі аймақта өмір сүруге тартымсыз. Мысалы, жылыту маусымы 7 айдан астам уақытқа созылады. Жаз, қыста егіншілік пен мал шаруашылығын дөңгелетудің мүмкіндігі аз, ал қыста көп жемшөп қорын қажет етеді. Еліміздің солтүстігі газбен аз қамтылған, сонымен қатар халықты ауыз сумен қамту көрсеткіштері өте төмен және ең нашар жолдар осы өңірлерде. Мұның бәрі қолайлы өмір құру үшін үлкен шығынды талап етеді және орташа жалақы ел бойынша көрсеткіштен төмен, - деді Дмитрий Колода депутаттық сауалын ҚР Премьер-Министрдің бірінші орынбасары Р.Склярға жолдай отырып.

Депутаттың айтуынша, солтүстік аймақтарда халық санының азаюы байқалады.

Кадр тапшылығы проблемасы ұшығып барады, нәтижесінде халықтың сапалы қызметтерге қолжетімділігі төмендейді. Сонымен қатар шекаралас аймақтарда халық санының азаюы ұлттық қауіпсіздік үшін де алаңдатарлық фактор. Мемлекет басшысы Солтүстік Қазақстан халқының азаюына алаңдаушылық білдіріп, өңірлік теңгерімсіздіктерді төмендету міндетін қойды. Бұл мәселенің шешімін еліміздің еңбекқор өңірлерінен қоныс аудару бағдарламаларын іске асыру арқылы ғана емес, өмір сүру үшін лайықты жағдайларды қамтамасыз етуде қажет, - дейді ол.

Сондай-ақ, депутат халықаралық тәжірибе көрсеткендей, климаттық жағдайы бізге ұқсас елдерде тұрғындар үшін қаржылық қолдаудың түрлі құралдары барын айтты. Осы орайда еліміздің солтүстіктегі халқы үшін арнайы өңірлік үстемеақы енгізуді тілге тиек етті.

Солтүстік өңірлердің мәселелерін шешудің екінші факторы – аймақты газдандыру. Үкіметтің күн тәртібіндегі елдің солтүстік аймақтарын газдандыру жоспарына ұзақ уақыт болды, бірақ мәселе әлі шешілген жоқ. Сонымен қатар бұл мәселені шешудің нақты кестесі жоқ, - дейді ол.

Мәжіліс депутаты Дмитрий Колода солтүстік өңірлердің мәселесін жедел шешу үшін келесі ұсыныстарды алға тартты:

1. Солтүстік өңірлердің тұрғындары үшін арнайы өңірлік үстемеақыны есептеу бағдарламасы мен әдістемесін әзірлеуді ұсынамыз;

2. Жас мамандарды тарту үшін коэффициенттер ескерілсін;

3. Зейнеткерлер үшін өңірлік үстемеақыны есептеуді енгізу мүмкіндігін қарастыру;

4. Қазақстанның солтүстік өңірлерін газдандыру мәселесін шешуді жеделдету.

Фото: Мәжіліс баспасөз қызметі

Байланысты жаналықтар

СҚО-да бұрынғы күйеуін пышақтап өлтірген әйел 3 жылға сотталды

21.06.2024

Қайыр сұрайтындар күніне қанша ақша табатыны белгілі болды

19.06.2024

Мақсат Толықбай Парламенттен кетеді

17.06.2024

2 бала қайтыс болды: СҚО-да бір отбасы тұшпарадан уланып қалды

14.06.2024

«Сауранбаев деген кім соншама?!»: Мәжіліс депутаты қарызға белшесінен батқан ҚТЖ-ны сынады

12.06.2024

«Болашақ» бағдарламасын жабу керек пе? Қоғам пікірі екіге жарылды

07.06.2024
MalimBlocks
СҚО-да бұрынғы күйеуін пышақтап өлтірген әйел 3 жылға сотталды

Белгілі болғаны, туыстарында қонақта болған әйел алкогольдік ішімдік ішіп, бұрынғы күйеуімен жанжалдасып қалған.

Қайыр сұрайтындар күніне қанша ақша табатыны белгілі болды

Тілші қайыр сұрап тұрған адамдардың жанына өзі де қайыршы ретінде барды

Мақсат Толықбай Парламенттен кетеді

Ол 2023 жылы Мәжіліске депутат болып сайланған.

2 бала қайтыс болды: СҚО-да бір отбасы тұшпарадан уланып қалды

Отағасы бір күн бұрын отбасының ауылдағы дүкеннен сатып алған тұшпара жеп, кола ішкенін айтқан.

«Сауранбаев деген кім соншама?!»: Мәжіліс депутаты қарызға белшесінен батқан ҚТЖ-ны сынады

Депутаттың сөзінше, ҚТЖ басшысы Нұрлан Сауранбаев қаншама ереуілдер болып жатса да, біреуіне де бармаған.  

«Болашақ» бағдарламасын жабу керек пе? Қоғам пікірі екіге жарылды

«Болашақ» жабылса, жылдық табысы 10 мың долларға да жетпейтін қазақстандықтарға обал болады.