Жетісу облысында жол апатынан екі адам қаза тапты
Сот-медициналық сараптама тағайындалды, жүк көлігі арнайы тұраққа қойылды.
18 шілдеде Жетісу облысында жол апатынан екі адам қаза тапты. Алматы – Өскемен тасжолында Foton жүк көлігі мен Mazda 626 жолаушылар көлігі соқтығысты, деп хабарлайды Malim.kz.
Облыстық Полиция департаментінің баспасөз қызметінің хабарлауынша, жол апаты салдарынан көліктің жүргізушісі мен жолаушысы оқиға орнында көз жұмды.
Сот-медициналық сараптама тағайындалды, жүк көлігі арнайы тұраққа қойылды. Полицейлер жол қозғалысы ережелерін қатаң сақтауға және жолда өте сақ болуға шақырады, - деп хабарлады ведомство.
Фото: Интернеттен
