«Жұмысым солай»: СҚО-да қайтыс болған құтқарушының жесірі пікір білдірді

Зейнетке шыққанға дейін күн санап жүрген.

Malim Админ

  • 05.04.2024

СҚО-дағы су тасқынымен күрес жұмыстарына барған түркістандық құтқарушының денесі жер қойнына тапсырылды. Қарасу ауылының тұрғыны 2 сәуірге қараған түні жүрек талмасынан қайтыс болған еді, деп хабарлайды Malim.kz.

Оtyrar.kz мәліметінше, марқұм Бекжан Балдановтың артында жары мен бес баласы қалды.

Құтқарушының әйелі Индираның сөзіне қарағанда, күйеуі СҚО-ға 1 сәуірде барған. Шұғыл шақырту түскен соң ол заттарын тездетіп жинап, таңертең ерте жолға аттанып кеткен. Ал келесі күні оның жүрек талмасынан қайтыс болғаны туралы хабар жеткен.  

Ол заттарын алды да үйден жүгіріп шығып кетті. «Отырып бірер кесе шай ішіп алсаңшы» деп айттым. «Уақыт жоқ, Газель келе жатыр» деп қысқа қайырды. Ол талай рет судан да, өрттен де аман келген. Сондықтан мұндай жағдай болады деп үш ұйықтасақ та түсімізге кірмепті. Ешқашан денсаулығы сыр берген емес, жүрегіне де шағымы жоқ еді. Зейнетке шыққанға дейін күн санап жүрген. Кетіп бара жатқанда: «Оның саған не керегі бар?» - дедім. «Жұмысым солай» деді де, «Балалар саған аманат» деп қосты, - дейді Индира Наурызбаева. 

Жарынан көз жазып қалған Индираның айтуынша, өрт сөндіруші-құтқарушы болу күйеуінің бала күнгі арманы екен. Өз ісіне адал болған Бекжан талай рет марапатталған.

Бекжан Балданов жұбайы екеуі екі қыз бен үш ұл тәрбиелеп отырған. Үлкенінің жасы 17-де болса, кішісі небәрі төрт жаста. Үш ұлы да әкесінің жолын қумақ. Отағасы үйінің жалғыз асыраушысы еді.

Бұған дейін Солтүстік Қазақстан облысына көмекке келген түркістандық құтқарушы қайтыс болғанын жазған болатынбыз.

Фото: Otyrar.kz

Байланысты жаналықтар

"Жағдай қиын". Депутат ел солтүстігінде тұратындарға ақша төлеуді ұсынды

29.05.2024

Утильалым – отандық өндірістің дамуына ықпал ететін маңызды құрал - сарапшы

29.05.2024

«Мұқият зерттесін»: Мәжіліс депутаты тәңіршілерді адасқандар деп атады

29.05.2024

Су тасқыны: Жайық деңгейінің көтерілуіне байланысты бөгеттер нығайтылып жатыр

27.05.2024

Тасқын салдарымен күрес шаралары: 25 мамырдағы жағдай

25.05.2024

Академик Төрегелді Шарманов дүние салды

25.05.2024
MalimBlocks
"Жағдай қиын". Депутат ел солтүстігінде тұратындарға ақша төлеуді ұсынды

Депутаттың айтуынша, солтүстік аймақтарда халық санының азаюы байқалады

Утильалым – отандық өндірістің дамуына ықпал ететін маңызды құрал - сарапшы

Аналитика және экономика саласындағы сарапшы Қанат Оспанов еліміздегі утильалымға қатысты пікір білдірді

«Мұқият зерттесін»: Мәжіліс депутаты тәңіршілерді адасқандар деп атады

Ол дау тудырмай, қоғамды біріктіретін мәселелерге назар аудару керек екенін алға тартты.

Су тасқыны: Жайық деңгейінің көтерілуіне байланысты бөгеттер нығайтылып жатыр

Республика бойынша эвакуацияланған 61 966 адам өз үйіне оралды.

Тасқын салдарымен күрес шаралары: 25 мамырдағы жағдай

Су сору жұмыстары жалғасып жатыр

Академик Төрегелді Шарманов дүние салды

Ғалым 93 жасында өмірден озды