АЭС Курчатов қаласында салына ма? Бектенов жауап берді

Курчатовтың ғылыми қалаға айналуына барлық негіз бар

Malim Админ

  • 03.12.2024

Премьер-Министр Олжас Бектенов Сенаттың бір топ депутатының Атом электр стансасын Курчатовта салу ұсынысына жауап берді.

- Атом саласын дамыту мәселелері жөніндегі ведомствоаралық комиссияның шешіміне сәйкес, Атом электр стансасы құрылысы үшін орынды Алматы облысының Жамбыл ауданына қарасты Үлкен ауылына тақау аудан белгіленді, - деді Үкімет басшысы жауабында.

Айта кетейік, қараша айының басында Абай облысының Курчатов қаласында Сенаттың Халықаралық қатынастар, қорғаныс және қауіпсіздік комитетінің радиациялық және сейсмикалық қауіпсіздік мәселелері жөніндегі көшпелі отырысы өтіп, стратегиялық маңызы бар объектілердің қорғанысы талқыланды.

Осы көшпелі отырыстан кейін сенатор Андрей Лукин Үкімет басшысының атына жолдаған депутаттық сауалында Ядролық ғылым орталығы саналатын Курчатов қаласының проблемалары туралы мәселе көтерді.

- Курчатов қаласына ғылыми қалашық мәртебесін беру мәселесі көптеген жылдар бойы көтеріліп келеді. 2012 жылы Премьер-Министрдің өкімімен ғылым қалашығы туралы заңнаманы әзірлеу бойынша ұсыныс дайындау мақсатында жұмыс тобы құрылған болатын. Сонымен қатар, «Курчатов ғылыми қалашығы» кластерінің тұжырымдамасы және «Ғылымды қажет ететін аумақтар туралы» заң жобасы да әзірленді. Шын мәнінде, Курчатовтың ғылыми қалаға айналуына барлық негіз бар, бірақ мәселе бүгінгі күнге дейін шешілген жоқ. «Ғылым туралы» арнайы заңның қабылдануы Курчатов қаласының өзін де, онда орналасқан ғылыми орталықтарды да дамытуға қуатты серпін береді деп сенеміз. Осылайша, еліміздің Президенті Қасым-Жомарт Тоқаевтың Қазақстан халқына Жолдауында айтылған «моноқалаларға дем беру» және «өңірлерді белсенді дамыту» туралы тапсырмасын орындауға мүмкіндік береді, - деді сенатор Лукин.

Сондай-ақ ол бір топ сенатордың атынан АЭС-ті Курчатов қаласында салу мүмкіндігін қарастыруды ұсынған болатын.

Фото: gov.kz

 

Байланысты жаналықтар

Қазақстан АЭС салуға қаржыны қайдан алады?

04.03.2025

Алғашқы АЭС құрылысы қашан басталады?

26.02.2025

Үкімет АЭС салатын орынды бекітті

25.02.2025

АЭС құрылысы: шорт-листке 4 ірі компания кірді

31.01.2025

Қазақстанда үшінші АЭС салынуы мүмкін

29.01.2025

Қазақстанда АЭС салатын компаниялардың тізімі шықты

22.01.2025
MalimBlocks
Қазақстан АЭС салуға қаржыны қайдан алады?

Алғашқы АЭС құрылысы қашан басталады?

Үкімет АЭС салатын орынды бекітті

АЭС құрылысы: шорт-листке 4 ірі компания кірді

Қазақстанда үшінші АЭС салынуы мүмкін

Қазақстанда АЭС салатын компаниялардың тізімі шықты

АЭС салуға үміткер ретінде төрт компания тіркелді