АҚШ конгресі Джо Байденнің сайлаудағы жеңісін мойындап, АҚШ президенті деп таныды. Конгресмендер президент сайлауының нәтижесін ресми түрде бекітіп, сайлаушылар алқасының даусымен келісті.
Конгресс Байденнің жеңісін бұдан ертерек бекітуі керек еді, алайда Капитолийге басып кірген Трамп жақтастары бұған кедергі келтірді. Полиция наразыларды ығыстыру үшін көзден жас ағызатын газ қолданды. Соңғы мәлімет бойынша, тәртіпсіздік кезінде төрт адам қаза тауып, ондаған адам ұсталды.
Джо Байден мен вице-президент Камалла Харистің инаугурациясы 20 қаңтарда өтеді.
Сайлау нәтижесін конгрестің бекітуі – АҚШ-тағы сайлауды қорытындылайтын соңғы қадам. Соңғы 140 жылда конгресте небәрі үш рет қана сайлау нәтижесімен келіспей, оған қарсы шығу әрекеті жасалды. Бірақ бұл әрекет қолдау таппады.
Прзидент сайлауы нәтижесінде Трамп сайлаушылар алқасының 270 даусын, ал Джо Байден 306 даусын алды.
MalimBlocks
