Әскерге барған сарбаз есінен адасып оралды

Талғат Айтмұхановты әскерге алдап әкеткен

Malim Админ

  • 20.05.2022

Төрт күн бұрын әскерге сап-сау аттанған сарбаз есінен адасып оралды.  19 жастағы ақтаулық Талғат Айтмұханов қазір ауруханада. Есін жоғалтқан ол туыстарын танымай, өзімен өзі күбірлеп жатыр.  «Сені ұрды ма?» деген сұраққа ол «арқамнан, мойнымнан тиді» деп қана жауап берген. Бұл туралы КТК арнасы хабарлады.    

Сарбаздың әкесі Мақсат Сәрсенбаев ұлының  әскерге қалай  кеткенін де білмей қалыпты. Оның сөзінше, жігітті елді мекеннің  әскери бөлімшесіндегілер «үш күннен кейін қайта келесің» деп алдап әкеткен. Бірақ темпсе темір үзетін жігіт  Қарақия ауданындағы әскери бөлімнен бір-ақ шыққан. 1-курс студенті оқуын да әлі бітірмеген.  

Т.Айтмұқановтың әкесі суыт хабарды кеше естіген. 

«Кеше сағат он бірде: «Балаң есін білмейді, тегін білмейді» деп телефонмен хабарласты. Кеше, 14-і күні әскерге кеткен бала. 11-мамыр күні үйден сағат 15:00 алып кеткен. Әскери комиссариат  келіп, екеуі екі жағынан өздері медтексеруден өткізіп, сол күні кешке алдап, алып кеткен. «Үш күннен Бейнеуге келесің» деген. Бірақ енді баланы танымай отырмын», дейді ол. 

Ес-түсін білмей қайтқан сарбазды ата-анасы келгенше әскерилер дәрігерлерге табыстаған. Алайда,  олар Талғаттың жағдайына қарамай,  «бәрі жақсы» деп алдаусыратып шығарып берген. Ұлының денсаулығы  алаңдатқан әке оны дәрігерлерге қайта тексертіп жатыр. «Туған-туысын танымаған баланы дәрігерлердің «сау» деп шығаруы күмәнді», - дейді М.Сәрсенбаев. Ал әскерилер болса сарбазды ешкімнің соққыға жықпағанын айтып,  ақталып бағуда.

25744 әскери бөлім командирінің орынбасары Жәнібек Кұранбеков Талғатты  медициналық тексеруден өтуге облыстық ауруханаға жеткізілді деп жауап берді.  Ол «тексеру нәтижесінде МРТ, мидың КТ және маманның кеңесі дене жарақаттары мен қауіпті патологиясы анықталған жоқ. Оған және туыстарына азаматтың басқа гарнизонға бармай-ақ, Ақтау қаласында қызмет өткеретіні мәлім болған. Бұдан кейін әскерге шақырылушы ретінде Айтмұханов Қарулы күштердің қатарында борышын өтеуге өтініш білдірді. Медициналық тексеруден өткенде денсаулығына ешқандай шағым болған жоқ», деп отыр.  

Әскери бөлімдегілер Талғат Айтмұхановтың әскерге сап-сау болып барғанын  растады. Бірақ оның  үш-төрт күннің ішінде  есінен адасқаны бәріне түсініксіз болып отыр. Қазір сарбаз психологтың тексерісінде. Оның ары қарай әскерге бару, бармауы  неғайбыл.    

  

Байланысты жаналықтар

Биыл мыңдаған қазақстандық әскери жиынға шақырылады

02.04.2025

Ресей Украинаға қаза тапқан 909 сарбаздың денесін қайтарды

28.03.2025

Париждегі саммит: Еуропа басшылары Украинаны қолдауды күшейтпек

27.03.2025

Литвада төрт америкалық сарбаз көз жұмды

26.03.2025

Ақтауда із-түзсіз жоғалған ер адам 8 күннен бері іздестіріліп жатыр

24.03.2025

Ақтауда жағалаудағы кафенің бірінде өрт шықты

23.03.2025
MalimBlocks
Биыл мыңдаған қазақстандық әскери жиынға шақырылады

Ресей Украинаға қаза тапқан 909 сарбаздың денесін қайтарды

Париждегі саммит: Еуропа басшылары Украинаны қолдауды күшейтпек

Литвада төрт америкалық сарбаз көз жұмды

Ақтауда із-түзсіз жоғалған ер адам 8 күннен бері іздестіріліп жатыр

Ақтауда із-түзсіз жоғалған ер адам 8 күннен бері іздестіріліп жатыр. Ерлан Есмагамбетов Кендерлі демалыс базасы маңында жоғалып кеткен. Ер адамды іздеуге Lider.kz іздестіру-құтқару қозғалысының еріктілері қосылды,

Ақтауда жағалаудағы кафенің бірінде өрт шықты

Ақтауда жағалаудағы кафенің бірінде өрт шықты