Танымал саясаткер әрі кәсіпкер Болат Әбілов бүгін полицияға шақырылды. Бұл туралы Әбілов КазТАГ тілшісіне хабарлаған.
“Таңертең сағат 9:00-де әкімшілік құқық бұзушылық бойынша Бостандық аудандық полиция бөлімшесіне шақырту қағазы келді”, - дейді ол.
Әбіловтің сөзінше, полиция оны қаңтар құрбандарын еске алу мақсатында рұқсат етілмеген митинг ұйымдастырды деп айыптап отыр.
Еске сала кетейік, 13 ақпан күні Алматыда қаңтар қырғынында қаза тапқандарды еске алу митингі өткен болатын. Митингіге түрлі саяси күштер, белсенділер мен жүздеген қала тұрғыны қатысты. Жиналғандар Қаңтар оқиғасын тәуелсіз зерттеп, қамауда отырғандарды азаптауды тоқтатуды, жазықсыз ұсталғандарды босатуды талап етті.
Бұған дейін аталған митингіні ұйымдастырды деген айыппен полицияға белсенді Жанболат Мамай да шақыртылған болатын.
Сондай-ақ, дәл осы айыппен полиция бөлімшесіне митингінің тағы бір қатысушысы Марат Тұрымбетовтің ұсталғаны және белсенді Әйгерім Тілеужанованың полицияға шақырылғаны белгілі болды.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
