Мұхтар Тайжан Жер комиссиясындағы жұмысы үшін ақша алғанын айтты. HARDtalk бағдарламасына берген сұхбатында ол депутат болуға ұмтылу мақсатын айта келіп, өзі жиі көтеріп жүрген жер мәселесіне қатысты сұрақтарға жауап берді.
Бағдарлама жүргізушісі Ерболат Мұхамеджан Мұхтар Тайжаннан “жұмысыңыз үшін қаражат алдыңыз ба?» - деп сұрады.
"Мен халықтың мүддесін қорғаймын деп қорғадым. Ал қалған бизнесмендер мен қандай шартқа барамын ол менің өз шаруам. Мен ол кезде бизнесменмін, жеке тұлғамын. Ол кезде менде тағы келісімшарттар болды. Мен оны айтуға міндетті емеспін", - деді Тайжан.
Жүргізуші "алдыңыз ба, нақты жауап беріңізші?" деп нақтылайды. Тайжан жер мәселесіне қатысты ақша табу, таппауды өзінің жеке шаруасы есептейтінін, негізгі сұрақты шенеунік бола тұра неге сонша жері бар деп, басқаларға қою керегін айтып, жауап берді.
"Алдым, өйткені ол менің қоғамдық жұмысыма кедергі немесе қайшы емес. Ол менің жеке шаруам", - деп жауап берді Мұхтар Тайжан.
Еске сала кетейік, Мұхтар Тайжан Алматы қаласынан Парламент Мәжілісіне депутат болуға үміткер ретінде тіркелді.
Байланысты жаналықтар
MalimBlocks
