Бұлаққа талас: қырғыз бен өзбек қақтығысып жатыр

Алмас НҮСІП

  • 01.06.2020

Қырғыз Республикасы мен Өзбекстан шекарасында екі ел азаматтары арасында қақтығыс болып, бірнеше үй өртеніп, біраз адам жараланған. Бұл туралы Азаттық Радиосының Қырғыз қызметіне сілтеме жасап Malim.kz хабарлайды.

Қақтығыс 31 мамыр күні Қырғызстанның Баткен облысы мен Өзбекстанның Сох ауданының шектескен жерінде болған. Тұрғындар бір біріне тас атқан.

Әзірге екі елдің жауапты органдары да жағдайдың бақылауға алынғанын, тұрақталғанын хабарлады.

Жанжал түс уақытында басталып, жедел жәрдем мен полиция араласқанмен, кеш батқанша жалғасқан. Қырғыздың Чечме ауылының тұрғындары мен Өзбекстанның Чашма ауылының тұрғындары жыл сайынғы дәстүрмен Чечме бұлағын бірлесе тазалау кезінде бұл бұлақтың кімге тиесілі екенін айтып, содан дау қыза келе, соңы жанжалға ұласыпты.

Бұл бұлақ екі жаққа да ортақ, бірге пайдаланады. Бұған дейін де бірігіп тазалап жүрген. Бұдан бұрын да осы бұлақ үшін біраз жанжал болыпты.

Қазір екі жақты келісіммен, жағдайды тұрақтандыру, қайта болдырмау үшін келісім жасалып, жағдайды бірге бақылауға уағдаласты. Қырғыз Республикасы үкіметінің баспасөз қызметі келісімсөздер бүгін де жүргізіліп жатқанын хабарлады.

«Қақтығыс басталған сәттен бастап ҚР үкіметі қауіпсіздік шараларын күшейтіп, шиеленіскен жағдайды шешу және ушықтармау үшін жағдайды бақылауға алды, жергілікті басқарушы органдар мен құқыққорғау органдарына тиіс ті тапсырма берілді. Екі жақ 1 маусым күні де келісімсөздер жүргізуді жалғастырады», - делінген ҚР үкіметі таратқан хабарламада.

Қазіргі мәліметке сәйкес, Қырғыз жағынан 15; Өзбекстан жағынан 16 адам жараланған. Олардың аяқтары, қолдары сынып, бастары жарылған.

Айта кету керек, қырғыз-өзбек азаматтары арасында бұған дейін де бірнеше рет түрлі көлемдегі қақтығыстар болған. ҚР үкіметі екі арадағы даудың туындауына екі ел арасындағы шекараның толық делимитация жасалмауы, жерді пайдалануда даулы мәселелерді бар екені себеп болғанын да айтты.

Байланысты жаналықтар

Түрмедегі Гүлнараның шетелдегі үш үйі тәркіленді

09.08.2023

Мирзеевке арналған Конституция...  Францияда күнде ереуіл    

02.05.2023

Өзбекстанның 17 мың шенеунігі жұмыссыз қалмақ 

26.01.2023

Өзбекстан президенті Қазақстанға мемлекеттік сапармен келеді

17.11.2021

Қазақстан көрші елдерді асырауда

21.10.2021

АҚШ пен Өзбекстан келісімге келді

13.09.2021
MalimBlocks
Түрмедегі Гүлнараның шетелдегі үш үйі тәркіленді

Гүлнара Каримованың Лондондағы ең қымбат аудан болып саналатын Белгравиядағы екі пәтері және Суррей графтығындағы зәулім сарайы тәркіленді.

Мирзеевке арналған Конституция...  Францияда күнде ереуіл    

Ол Ислам Кәрімов секілді 26 жыл Президент болғалы тұр

Өзбекстанның 17 мың шенеунігі жұмыссыз қалмақ 

Өзбекстан президенті әкімшілік реформалар енгізуді ұсынған

Өзбекстан президенті Қазақстанға мемлекеттік сапармен келеді

Қасым-Жомарт Тоқаев Өзбекстан президенті Шавкат Мирзиёевпен телефон арқылы сөйлесті. Әңгімелесу барысында тараптар Мирзиёевтің Қазақстанға мемлекеттік сапарын жыл соңына дейін ұйымдастыру жөнінде уағдаластыққа қол жеткізді, деп хабарлайды Ақорда.

Қазақстан көрші елдерді асырауда

Жыл басынан бері Өзбекстанға 191 млрд теңге аударылған.

АҚШ пен Өзбекстан келісімге келді