Қорғаныс министрі Нұрлан Ермекбаев Жамбыл ауданы Байзақ ауданындағы әскери бөлімше қоймасындағы жарылысқа министрді кінәлау надандық деп мәлімдеді. Бұл туралы министр бүгін бір топ журналистің сұрағына жауап бергенде айтты.
"Министрді кінәлі деу – бір жағынан надандық. Сауатты адамдар біледі, қарулы күштер – бұл кіші мемлекет. Қарулы күштер ішінде барлық жүйе бар: білім беру жүйесі, денсаулық сақтау жүйесі, жауынгерді даярлау. Бұл – өте күрделі механизм.Әрине, бір адам бәріне қарап, қадағалауы қиын. Бірақ бізде сондай қағида бар: бірінші жетекші бәріне жауап береді. Сол сияқты жеке өзім кінәсіз, жазықсыз болсам да бәріне жауап беремін. Оның үстіне офицердің, генералдың ар-намысы деген ұғым бар. Оған сәйкес, мен әрине, отставкаға беремін. Жоғары бас қолбасшы, мемлекет басшысы қандай шешім қабылдайтынын айта алмаймын. Қазіргі міндетім апат салдарын жою", - деді министр.
26 тамыз күні кешке Жамбыл облысы Байзақ ауданындағы №28349 әскери бөлімі аумағында орналасқан оқ-дәрі сақталатын қоймада жарылыс болды.Соңғы дерекке сәйкес, өрт сөндіруге қатысқан 13 әскери қызметкер қаза тауып, 98 адам зардап шекті.
Президент Қасым-Жомарт Тоқаев 29 тамызды жалпыұлттық аза тұту күні деп жариялады.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
