Қазақстанда соңғы 7 жылда 130 млрд доллардан астам қаражат жымқырылды. Бұндай ақпаратты Тергеуші журналистердің халықаралық консорциумы (ICIJ) таратып отыр. АҚШ-тағы халықаралық ұйым келтіріп отырған сома өте үлкен. Қазақстанның ұлттық қордағы ақшасынан шамамен екі есе көп. Соңғы мәлімет бойынша қазақ халқының қорына деп сақталған ақша 27 трлн теңге. Бұл 20 жылдан бергі жиналған қор ақшасы, соңғы жеті жылда Қазақстанан ұрланған ақшадан әлдеқайда аз.
Жалпы, журналистік зерттеу күмәнді қаржылық операциялар мен қаржылық қылмыстарға арналған. Халықаралық ұйым (ICIJ) АҚШ-тың қаржы министрлігі және Франция, Швейцария, Ұлыбритания, Австрия елдерінің қаржы бақылаушы органдары берген мәліметтер негізінде жұмысын жүргізген. 400-ден аса журналист 88 мемлекетке қатысты зерттеу жүргізген екен.
Банк жүйесі арқылы мол қаражатты жымқыру ісі бойынша зерттеуде қазақстандық олигархтар мен шенеуніктердің де есімдері жарияланбақшы екен. Олар: Болат ӨТЕМҰРАТОВ, Болат НАЗАРБАЕВ, Дариға НАЗАРБАЕВА, Қайрат САТЫБАЛДЫ, Тимур ҚҰЛЫБАЕВ, Владимир КИМ. Бұлардың арасында өзін биліктің нөмірі бірінші жауымын деп есептейтін Мұхтар ӘБЛЯЗОВ та бар.
Тергеуші журналистердің халықаралық консорциумы 1997 жылы құрылған. Штаб-квартирасы Вашингтонда орналасқан. Бұл халықаралық журналистік желі коммерциялық емес Center for Pudlic lntegrity ұйымының қолдауымен ашылған. Бұл мекемеде 65 елден 165 журналист жұмыс істейді.
Байланысты жаналықтар
MalimBlocks
Тоқаев заңға қол қойды: шетелдік легионерлерге қаржы бөлінбейді
Мемлекет басшысы «Қазақстан Республикасының кейбір заңнамалық актілеріне дене шынықтыру және спорт, сондай-ақ артық заңнамалық регламенттеуді болғызбау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды
