Мектеп салатын жерге шіркеу не керек? Астаналық тұрғындар шу шығарды     

Астананың Есіл ауданында мектеп салынуы керек жерге шіркеу салынып жатыр. Ал тұрғындар мұның орнына мектеп немесе балабақша салынғаны дұрыс деп санайды. Шағымданушы азаматтар «көп адам бармайтын діни ғибадатхана не үшін қажет?» дейді.  

Руслан Түсіпбеков  бір жарым жылдан бері осы ауданның тұрғыны екенін айтады.  «Елордада шіркеулер саны саусақпен санарлық. Өйткені, қалада орыс халқы аз. Дінге сенетіндер де соған сәйкес жоқтың қасы. Онда шіркеу кімге қажет? "Біз толеранттымыз" деген құр мақтан үшін керек пе? Бұл халықтың ақшасын далаға шашу емес пе? Қазір қарапайым халыққа мектеп пен балабақша қажет. Әлде бұл Ресейдің ықпалы ма? Олай болса Мәскеу әуелі мешіт салсын. 13 миллион тұрғыны бар қалада бар-жоғы 4-ақ мешіт бар»,-дейді ол. 

Айтпақшы, кеше жергілікті халық мұсылмандарға мешіт салдырмаймыз деп қарсылық танытқан. Алайда, олардың үнін естіген ешкім болмапты. Ал шіркеуді салу жұмыстары басталып кеткен.