Митинг өтті дүркіреп

Олжас Қасым

  • 31.10.2020

Бүгін Алматыда Шоқан Уәлиханов ескерткішінің маңында саяси реформалар мен саяси тұтқындарды босатуды талап еткен рұқсат етілген митинг өтті. Жиналғандар диссидент-ақын Арон АТАБЕК, қоғам белсендіcі Макс БОҚАЕВ бастаған азаматтарды босатуды және саяси реформалардың іске асыруды талап етті.

Митингіге қоғам белсенділері, оппозицияшыл саясаткерлер, аймақтан келген белсенділер қатысты. Митинг ұйымдастырушылары - құқық қорғаушылар Ғалым Ағелеуов пен Бақытжан Төреғожинаға қала билігі бұл митингіні өткізуге рұқсат етті. Митингіге келушілерді полиция бақылап, қауіпсіздікті қамтамасыз етіп тұрды.

Президент Қасым-Жомарт Тоқаевтың бастамасымен құрылған Ұлттық қоғамдық сенім кеңесінде өзгертіледі делініп, талқылаудан кейін қабылданған "Бейбіт шерулерді ұйымдастыру және өткізу" туралы заңға өзгеріс енгізілген соң, митинг өткізу үшін бұрынғыдай қала билігінен рұқсат сұрау керек емес. Бірақ митингінің өтетіні жергілікті билікке алдын ала хабарлануы керек

Саяси реформаларды талап еткен митингіге жүзге жуық адам жиналды. Белсенділер қолдарына саяси қуғынға ұшырағандардың фотолары мен талап-тілектері жазылған плакаттармен шықты. Митинг бастала салысымен ұйымдастырушылар мен белсенділер саяси қуғынға ұшыраған тұтқындар мен таяуда ұсталған белсенділердің аты-жөндерін оқып шықты.

[caption id="attachment_8906" align="alignnone" width="1280"] Митингіні ұйымдастырушылар мен сөз сөйлеген белсенділер[/caption]

Митингінде саясаткер Зәуреш БАТАЛОВА, экономист Айман Тұрсынхан, режиссер Еркін Рақышев, оралдық «Уральская неделя» басылымының редакторы Лұқпан Ахмедияров, қоғам қайраткері Ермұрат БАПИ, ЖСДП партиясының өкілі Айдар Әлібаев бастаған демократияшыл тұлғалар сөз сөйледі.
«Қазақстанда нақты саяси реформалар жасалуы тиіс. Бізге қос палаталы парламент керек емес. Сайлауға бір мандатпен де түсетін жүйені қайтару керек», - деді саясаткер Зәуреш Баталова.

[caption id="attachment_8907" align="alignleft" width="1280"] Митнгіде саяси тұтқындарға бостандық талап етілді[/caption]

Құқық қорғаушы Бақытжан Төреғожина қазіргі күні саяси көзқарас үшін қуғындалып жатқандардың тізімін оқыды. Олар: Қуат Уәлиев, Динара Мүбарак, Ербол Есқожин, Айбек Сәбитов, Анна Шөкеева, Нұрбол Өнерхан және т.б. Рұқсат етілген митингіде әкімдік өкілдері, медицина қызметкерлері болды. Полиция тек сырттай ғана бақылап тұрды. Митингіге жиналғандардың барлығына сөз берілді.

[caption id="attachment_8908" align="alignleft" width="1280"] Митингіге қатысқандар саяси тұтқындардың портреттері мен ұран жазылған плакаттарды ұстап тұрды[/caption]

Митингіде  қоғам қайраткері, белгілі журналист Ермұрат Бапи де сөз сөйлеп, өзгеріс жасаудың жалғыз жолы митингілер екенін айтты.
«Қазақтар беларусьтардан, қырғыздардан кем емес. Біз де өзіміздің болашағымыз үшін күресе аламыз. Нақты саяси реформаларды жүзеге асыру үшін митингілерге шығу керек. Сайлауға дейін де, сайлаудан кейін де. Біз әділдікке, бостандыққа митингілер арқылы ғана жете аламыз», - деді Ермұрат Бапи.

Митингіге Оралдан келген журналист, "Уральская неделя" басылымының редакторы Лұқпан Ахмедияров "саяси тұтқындар, шын мәнінде, қылмыс жасаған жоқ, өз ойын ашық айтқаны үшін қудалауға ұшырап қамалды" деді.

[caption id="attachment_8911" align="alignleft" width="1280"] Лұқпан Ахмедияров[/caption]

Сағат он екі мен үштің арасында өтеді деп жоспарланған митинг жарты сағат бұрын аяқталды.

Фотолар автордікі. 

Байланысты жаналықтар

Балабақшадағы «боэвик». Таяқ жеген баланың миы шайқалған

23.02.2024

Ногаев вынудил бастовать пожарных?

19.02.2024

Кәсіпкерлер әкімдікке жиналып, салықты төмендетуді талап етті

15.02.2024

Digital форумында Қазақстан не көрсетті?

02.02.2024

Алматыда тұрғын үйдің шаршы метрінің орташа бағасы 720 мың теңгеден асты

31.01.2024

Мұстафа Кемал Ататүрікке арналған ескерткіш ашылды 

26.01.2024
MalimBlocks
Балабақшадағы «боэвик». Таяқ жеген баланың миы шайқалған

Бөлмеде қатарласын жерге құлатып, басынан тепкілеген

Ногаев вынудил бастовать пожарных?

Скандал, связанный с недовольством пожарных Мангистауской области условиями труда, вышел за пределы региона. Пожарные сразу нескольких населенных пунктов приостановили работу с требованием выполнить их условия.

Кәсіпкерлер әкімдікке жиналып, салықты төмендетуді талап етті

Олар бөлшек салықты 4 пайыздан 2% - ға дейін төмендеткісі келеді

Digital форумында Қазақстан не көрсетті?

Digital Almaty форумында озық цифрлық жобалар көрмесінде цифрландыру саласындағы отандық жетістіктер көрсетілді. 

Алматыда тұрғын үйдің шаршы метрінің орташа бағасы 720 мың теңгеден асты

Алматы қаласының тұрғын үй нарығы елдегі бәсеке қызып тұрған нарық. Krisha.kz деректері бойынша оңтүстік астанадағы үйлер басқа өңірлермен салыстырғанда қымбаттырақ.

Мұстафа Кемал Ататүрікке арналған ескерткіш ашылды 

Алматыда Түркияның тұңғыш Президенті Мұстафа Кемал Ататүрікке арналған ескерткіш ашылды. Ашылу салтанатына Мәдениет және ақпарат министрі Аида Балаева, Түркия Республикасының Қазақстандағы Елшісі Мұстафа Капуджу, Түрксой Халықаралық ұйымының Бас хатшысы Сұлтан Раев, Алматы қаласының әкімі Ерболат Досаев қатысты.