Қала әкімі облыс әкімін сотқа берді

Malim Админ

  • 20.05.2021

Ақсу қаласының әкімі әкімі Нұржан Әшімбетов Павлодар облысы әкімі Әбілқайыр Сқақовтың үстінен сотқа екі шағым түсірді. Нұржан Әшімбетов облыс әкімі Сқақов жариялаған сөгіспен келіспейді.

Сәуір аяғында облыс әкімі Сқақов Ақсу қаласының әлеуметтік-экономикалық дамуының төмен көрсеткіштерін алға тартып, міндетін тиісті дәрежеде орындамағаны үшін Нұржан Әшімбетовке сөгіс жариялаған.

Сөгіспен келіспеген Нұржан Әшімбетов Әбілқайыр Сқақовтың үстінен Павлодар қаласының сотына шағым түсірді. Нұржан Әшімбетов Ақсу қаласына әкім болып барғалы небәрі екі ай өткендіктен, жоғары әлеуметтік-экономикалық көрсеткішке жету мүмкін еместігін айтады. Нұржан Әшімбетовтің айтуынша, оған Ақсу қаласының 2021 жылы 1-тоқсан мен жыл бойы қандай әлеуметтік-экономикалық көрсеткішке жетуі керектігін белгілейтін құжатпен ешкім таныстырмаған.

Бірақ Нұржан Әшімбетовтің үстінен қоластындағы қызметкерлер арыз жазып, артынша қызметтік тексеру жүрді. Қоластындағылар арызда әкім дөрекі сөйлеп, еңбек тәртібін бұзады деген.  Істі қараған әдеп жөніндегі кеңес Нұржан Әшімбетовті қызметінен босатуды сұрады.

Нұржан Әшімбетов арыздағы айыптауларды жоққа шығарып, тексерушілер заңбұзушылықтарға жол берді дейді. Сөйтіп, Әшімбетов мемлекеттік қызмет істері жөніндегі департаменттің үстінен де сотқа шағымданды.

Әшімбетов тәртіптік істі қарауды сот шешімі шыққанға дейін ауыстыруды сұрады. алайда Павлодар қаласының соты әдеп жөніндегі кеңес отырысының алдында шағыманушының арызын қараудан бас тартқан. Әшімбетов  бұл сот шешіміне шағымданбақ.  Оның ойынша, үстінен түсірілген шағым оған қарсы қасақана жасалған әрекет, ал оны ұйымдастырушылардың жұмысында өрескел заңбұзушылықтар бар.

Ал облыс әкімі жариялаған сөгіске қатысты Нұржан Әшімбетов "Atameken business" арнасына берген сұхбтында бүй деді: "Сөгіспен келіспейтін себебім, инвестиция мен құрылыс бойынша көрсеткіштердің 80 пайызы қаладағы кәсіпорындарға байланысты. Егер олардың бағдарлама көрсеткіштері төмендетілсе, әкім ретінде оған әсер ете алмаймын. ERG компаниясының бас кеңсесі Нұр-Сұлтан қаласында", - дейді ол.

Әзірге Әбілқайыр Сқақов Нұржан Әшімбетовтің шағымына қатысты түсінік бермеді. Бұл істің сәуірден бері жалғасып жатқанын ескерсек, екі әкімнің арасындағы текетірес те әлі де ұзаққа созылуы мүмкін. 

Оқи отырыңыздар:

Облыс әкімін сотқа берген Ақсу әкімі қызметінен босатылды

 

Мамырдың 21-і күні Әбілқайыр Сқақов Ақсу қаласының әкімі Нұржан Әшімбетовті жұмыстан босатқаны хабарланды.

 

Байланысты жаналықтар

Павлодар облысы көмір кенішінде жұмысшы қаза болды

03.07.2024

Павлодар облысында адамды бауыздап, тынығып отырған қария ұсталды

17.06.2024

Бүгін – көрнекті ғалым Кемал Ақышевтің туған күні

23.05.2024

Павлодар облысында кеме капитаны суға батып кетті

10.05.2024

Павлодар облысында шенеуніктер 89 млн теңгеден астам қаржыны жымқырған

04.05.2024

133 млн теңге шығын: Павлодарда мүгедектерге арзанқол гаджет сатып әпермек болғандар сотталды

15.04.2024
MalimBlocks
Павлодар облысы көмір кенішінде жұмысшы қаза болды

Еңбек департаменті оқиғаға қатысты тергеуді бастады.

Павлодар облысында адамды бауыздап, тынығып отырған қария ұсталды

Жантүршігерлік видео әлеуметтік желіде тарап кетті.

Бүгін – көрнекті ғалым Кемал Ақышевтің туған күні

Ол Павлодар облысының Баянауыл кентінде туған.

Павлодар облысында кеме капитаны суға батып кетті

Іздестіру жұмыстарын су деңгейі көтерілуі, қатты жел мен өзен ағыны қиындатып отыр.

Павлодар облысында шенеуніктер 89 млн теңгеден астам қаржыны жымқырған

Сотталушылардың кінәсі куәлардың айғақтарымен, құжаттамалық және заттай дәлелдемелермен, сондай-ақ сараптамалық қорытындылармен дәлелденген.

133 млн теңге шығын: Павлодарда мүгедектерге арзанқол гаджет сатып әпермек болғандар сотталды

Кәсіпкерлік қызмет арқылы 25 млн теңгеден астам заңсыз пайда көрген жеткізуші де жазасыз қалған жоқ.